Planeta honen gainean ez dugu jarraitzerik ari garen bezala.

Einsteinek behin erra zuen legez (bederen hala daregotziote): ezin da gatazkatik gainditu hura sortu duten pentsamoldeak aldatu ezean.

Eta ulertu beharra dago zerk dakargigun egungo egoera sozialera, planetariora, pertsonalera konpondu ahal izateko gure norabide suizida.

Badakigu, aspalditik, geure akabera (jendetzaren gehienarena, behintzat) ari garela antolatzen. Baina horri aurre egiteko ez dugu ezer gutxirik egiten.

Antza, eurite, haizete, sute, lehorte, elurte, berote… migrazio masiboek behartuko gaituzten artean ez dugu geure bizimodua eta geure pribilegioak batere aldatzeko asmorik.

Eta orduan (apika, jada, oraintxe bertan) milaka urtetan zehar erabili dugun sistema penagarri eta pendular berbera erabiliko dugu: guda. Elkarri mokoka zein bonbaka egitea.

Horrexegatik erabaki nuen hori guztia zein irtenbideak aztertzeko gogamen lanean hastea, eta uste dut dudala ukitu gune-guneko hezurra.

Gutizia da egungo kataklismoaurreko geure egoeraren gakoa. Milioika urtez bizirauteko balio izan zigun metatzeko joera gararazi ziguna, gosete, lehorte zein bestelako makina bat hersturatik libratu gintuena. Metatzeak zein lurraz jabetzeak segurtasuna ematen baitzigun.

Egun, ordea, gene egoista horrexek daragigu gatazka hau dena, ze egoistak izateko Lurra txikiegia geratu baitzaigu.

Ordua da, behingoz, Nazareteko maisu espiritual hark proposatu zigun irtenbidea abian jartzeko eta haren egitasmoa garatu zein gauzatzekoa.

Baina ez haren izena lapurtu zutenek egin duten moduak ze inork (gutxik) jarraitu zuen hura, haren bidea, haren irakaspena.

Besteak beste, ez zuelako osatu.

Bai, gutiziaren kakoak ederki asko ulertu eta erasotu zuen.

Baita hipokrisiarena ere, (hots, hezurrarena), baina gezurrek, erlijiosoen gezurrek, tronpatu zein desbideratu zuten.

Hemen ez naiz luzaturen hau dena azaltzen, horretarako batitut liburu pottolo askoak.

Baina, bai egin nahi dut, deialdia.

Behingoz zeure aldetik apur bat ipini nahi izanez gero, zatoz, sor dezagun birjaiotakoen mundu berria eta erreskata dezagun gutiziaren hatzaparretatik zahartxoa dagoen hau.

Kinka zorrotzean dagoena.

– Zorionekoak ondasunak ez metatzea aukeratzen dutenak, Lurrean paradisua sortzen ari baitira.

– Zorionekoak IndarkeriaEza hautatzen dutenak, Lurra haiena izango baita.

– Zorionekoak negar egiten dutenak, kontsolamentua jasoko baitute.

– Zorionekoak justiziaren gose eta egarri direnak, harekin asetuko baitira.

– Zorionekoak miserikordia gauzatzen dutenak (miserian daudenengan bihotza jartzen dutenak) beraiek ere jasoko baitute.

– Zorionekoak heuren barruan garbiketa egiten dutenak, Batasunaren Espirituak gidatzen baititu.

– Zorionekoak bakea eraikitzen dutenak Batasunean baitira.

– Zorionekoak Justizia sortuz sufritzen dutenak haiek dagoeneko Paradisua eraikitzen ari baitira.

– Zorionekoak Batasuna eraikitzeagatik iseka, irainka, jazarpenaz hartzen zaituztetenean.

– Poz zaitezte eta goza ezazue, horrekin guztiarekin, benetazkoa egiten baituzue.

————————————————————————————————————–

Gehiago jakiteko bidea:

Erosterik ez baldin badituzu, ez kezkatu, gure taldeetan eskuratzerik izango zenituzke.