Artizarra sare sozialean parte hartzen baduzu, honako jokabide-arau hauek onartzen dituzu. Edozein momentutan aldatu daitezkeen arauak dira eta zure ardura da berauek aldizka berrikustea
Hizkuntza.
Artizarraren hizkuntza bakarra euskara da, eta, beraz, mezuak euskaraz idatzi beharko dira, nahiz eta elkarbanatzen den edukia beste hizkuntza batean izan.
Erantzukizuna.
Erabiltzaileak berak dira bidaltzen dituzten eduki guztien erantzuleak.
Anonimotasuna ekidin.
Eskertuko genuke profilak izen-abizenekin sortzea eta ez ezizenarekin. Sare sozial honen helburuak zeintzuk diren kontuan hartuta, aurrez aurre nor dagoen jakitea garrantzitsua dela iruditzen zaigu.
Hobetsi formatu irekia.
Erabili formatu irekia fitxategi erantsiak bidaltzeko. Formatu pribatu edo pribatibo duten zenbait fitxategi software pribatu edo pribatiboarekin bakarrik zabaldu eta ireki daitezke. Ez duzu zertan behartu beste erabiltzaileak software hori erosi edota erabiltzera. Formatu irekia duten fitxategiak software libreko aplikazioek onartuko dituzte. Eta software pribatuko aplikazioek ere onartu beharko lukete, adostutako estandarrak direlako.
Onartzen ez dena
Gune aske eta zaindua izatea denon esku dago (ikusi Eraso matxistak kudeatzeko UEUren protokoloa). Beraz:
- Ez dugu onartuko emakume zein genero-disidenteen gorputzen eta identitateen kontrako erasorik.
- Ezta orokorrean ezaugarri pertsonal edo sozial askotarikoek eragindako desberdinkeriarik ere (generoa, adina, klasea, arraza, jatorria, erlijioa, sinesmenak, nazioa, hizkuntza, aniztasun funtzionala, gorpuzkera, sexu-joera, etab).
- Ez dugu onartuko inolako irainik ez jazarpenik.
Legez kanpoko edukiak.
Espainiako eta Frantziako legedien arabera legez kanpokoak diren edukiak ez dira onartuko.
Copyright.
Copyright edo egile-eskubideen legea urratzen duten lanak ez daude baimenduta.
Besteen datu pertsonalak.
Debekatuta dago baimen espliziturik gabe pertsona baten datu pertsonalak argitaratzea.
Publizitatea.
Ez da gehiegizko publizitaterik onartuko.
Pornografia.
Biluztasuna, pornografia eta eduki sexual esplizitua ez dira onartuko, artisten irudikapenak barne.
Bortizkeria.
Indarkeria grafikoa eta gore-a ez dira onartuko, artisten irudikapenak barne.
Gune honetako administratzaileek erabakiko dute zein neurri hartu kasuan kasu (mezua ezabatzea, sarbidea ukatzea…).