Xehetasunak

Psikologian lizentziaduna naiz eta Jarduera Fisikoaren eta Kirolaren Psikologian Masterra dut. Horrez gain, “Kirola, Hezkuntza eta Elkarbizitza: Haur eta Nerabeen babesa” unibertsitate aditu titulua ere eskuratu dut. Kirolean Aholkulab Kooperatibaren sortzaile eta bazkide naiz, eta UEUkidea.

Psikologiaren, kirolaren eta euskararen arteko lotura dut ardatz nire ibilbide profesionalean. Hainbat udaletan KEES (Kirol Entrenamenduetan Euskara Sustatzeko) metodologiaren garapena sustatzen dut eta Kirolaren Psikologo gisa, kirol federazio, elkarte, entrenatzaile eta kirolariekin lan egiten dut: bai taldeko formazioetan — gaitasunak garatzeko eta errendimendu psikologikoa indartzeko —, bai banakako eskuhartzetan, pertsona bakoitzaren behar eta helburu espezifikoei erantzunez.