Arkitektoa Nafarroako Arkitektura Goi Eskola Teknikotik (2008, bikain), Paisaia eta Ingurumen Graduondokoa unibertsitate beretik. Arkitektura Proiektu Aurreratuetan Masterra (Paisaia eta Eskala Handia alorrean, 2011, bikain) Madrilgo Arkitektura Goi Eskola Teknikotik, La Caixa Fundazioko bekari esker. Profesional gisa Espainian, Suitzan eta Txilen lan egina naiz, eta gaur egun biburu.com lan-plataforman dihardut. Eusko Jaurlaritzako PREDOC programak babesturik doktoretza-tesia burutu dut Madrilgo Arkitektura Goi Eskola Teknikoan (2019, bikain Cum Laude), non offshoring fenomenoak arkitektura eta hirigintzan duen eragina aztertu dudan. Lancaster University-ko Centre for Mobilities Research-ean ikerlari gonbidatua ere izandakoa naiz, eta FAUP Porto, Amsterdam-eko Unibertsitatea, EPFL, Iuav eta beste hainbat unibertsitatetan hitzaldiak emandakoa. Madrilgo Arkitektura Goi Eskola Teknikoko ProLab I+G+b taldeko kidea naiz, baita Proiektuaren Gailu Aglutinatzaileen Hezkuntza Berrikuntza taldeko kidea ere.