Gizarte antropologian doktorea eta UPV/EHUko irakasle agregatua Filosofia eta Hezkuntza Zientzien Fakultatean. Balioen Filosofia eta Gizarte Antropologia saileko zuzendaria. Gaur egun, Gizarte Antropologia Unibertsitate-Master eta Graduan ematen ditu eskolak eta Atzerriko Unibertsitate eta Goi-Zentroetan Euskararen Irakaskuntzarako Graduondoko formakuntzan. MHLI ikerketa talde kontsolidatuko partaidea da (IT 806-13)
Gizarte antropologiako zenbait ikerketetan parte hartu du azken urteetan, gehienbat arrantza eta oroimenaren antropologiaren eremuan kokatuak eta ikerketa horien emaitzak hainbat zientzia-artikulu zein liburu eta liburu-ataletan argitaratu ditu. Arlo honetan nabarmendu behar dira ikuspegi biografikoak, testigantzak eta gizarteak gogoratzeko edo ahazteko dituen moduekin lotutako kezkak.
Halaber, zenbait elkarte zientzifikoan parte hartzen du eta koordinatu du beste lankideekin argitaratu den antropologiako lehenengo euskal hiztegia.