Oier Aizpurua Olaizola (Zarautz, Gipuzkoa, 1988ko otsailaren 15a). Kimika analitikoan doktorea da. Bere doktoradutza tesian zehar kannabisaren osagai aktiboak eta hauek gorputzean sortzen dituzten metabolitoak analizatzeko teknika berriak garatu zituen, baita konposatu aktiboak erauzteko eta enkapsulatzeko metodoak garatu ere. Ostean Amsterdamen eta Utrecht-en (Herbeherak) egon zen bi urte eta erdiz minbizia garaiz detektatzeko metodologia berriak ikertzen. Horretarako exosomen gainazalean dauden glikanoak aztertu zituen biomarkatzaile berriak aurkitzeko asmoz. Herberehetatik bueltan kannabis hazien enpresa batean (Dinafem Seeds) egin zuen lan 2-3 urtez ikerlari gisa. Gaur egun EHU-ko irakasle da, eta Sovereign Fields S.L. enpresako zuzendari teknikoa. Enpresa honek Espainiako AEMPS agentziaren baimena dauka kannabisarekin ikertzeko, eta erabilera medizinaletarako kannabis barietate berriak garatzea du helburu.