Oinarria

Izena

Maren Ortiz-Zarragoitia

Niri buruz

Zelulen Biologiako irakasle agregatua Zoologia eta Animali Zelulen Biologia Sailean. Biologia zelular molekularreari eta histologiari buruzko irakaskuntza ematen dut Biologiako, Bioteknologiako eta Biokimikako eta Biologia Molekularreko graduetan. Masterreko hiru programatan ere irakaslea naiz: Ingurumen Kutsadura eta Toxikologia, EMJMD Marine Environment and Resources eta International Master in Marine Biological Resources. Gaur egun, EMJMD Environmental Contamination and Toxicology (ECT+) programaren nazioarteko koordinatzailea naiz eta Ilustrazio Zientifikoko Unibertsitateko graduondoko espezialistaren berezko tituluaren zuzendari akademikoa.
Zelulen Biología Ingurumen Toxikologian ikerketa taldeko kidea naiz, eta Plentziako Itsas Estazioko (PiE-UPV/EHU) ikertzailea. Nire ikerketa-jarduerak hainbat gai jorratzen ditu, kutsadurak eta inguruneko estresak uretako organismoetan duten eraginaren azterketarekin zerikusia dutenak, eta biomarkatzaile molekularrak eta zelularrak garatzen ditut kutsatzaileekiko esposizioa aztertzeko. Gaur egun, jarduera hormonala duten kutsatzaileek arrainen eta ornogabeen populazioetan duten eragina ikertzen ari naiz, transkripzioan, hormonen fisiologian eta ugal-organoetan eta organo endokrinoetan gertatzen diren aldaketak aztertuz.
2016tik, Euskara eta Nazioarteko Harremanen dekanorde kargua bete dut Zientzia eta Teknologia Fakultatean.
ORCID: 0000-0002-2664-1303
Researcher ID: C-3978-2017

Inguma

Inguma ID

Bai

Filiazioak

Nagusia

UPV/EHU

Bigarrena

Udako Euskal Unibertsitatea

Menua