Joxerra Aihartza Azurtza (Donostia, Gipuzkoa, 1962ko Apirilaren 23). Biologian Lizentziatua eta Doktorea UPV/EHUn. 1993tik irakaslea Euskal Herriko Unibertsitateko Zientzia eta Teknologia Fakultatean, eta batez ere Ornodunen Zoologia eta Zoologia Orokorra irakasten ditu bertan. Ikerketaren alorrean Jokabidearen Ekologia eta Eboluzioa ditu aztergai nagusi, eta kontserbazio arazoak dituzten ugaztunak ikertzen ditu batez ere, bereziki saguzarrak. Ikerketako argitalpen gehienak saguzarren —eta beste ugaztunen— ekologia espazial eta trofikoaren ingurukoak ditu, bai eta zentzumen-ekologia, ekokokapena, biodibertsitatea eta kontserbazio-biologiari buruzkoak ere.