Jokin Apalategi Begiristain ( Ataun, Gipuzkoa, 1943ko urtarrilaren 9an sortua). Psikologia Sozialeko Katedraduna, Antropologiako Titularra, Soziologian Doktorea, Parisko Goi Ikasketa Sozialen Eskola Praktikoan Diplomatua, eta Filosofian Lizentziatua da. EHUn, hogeita hamar urtez, «Soziologia orokorra», «Gatazken azterketa eta konponketa», «Mugimendu Sozialen Psikosoziologia» eta «Antolamenduen Psikosoziologia» erakutsi ditu. Aldizka ere irakasle izan da Pabe eta Aturriko Unibertsitatean, Toulousekoan, Perpignanekoan, eta abar. Gainera, Zabal liburudendaren, eta Elkar argitaletxe kooperatiboaren sortzaile-kudeatzaile, Nazionalismo Konparatuen Ikasketarako Instititutuaren eta izen bereko argitaletxearen sortzaile-kudeatzaile, UEUko Uztaro aldizkariaren zuzendari, Gerriko Ikerlan Bekako epaimahaikide eta argitalpenetako Zuzendari Zientifiko eta Urtiusque Vasconiae argitaletxearen sortzaile eta zuzendarikide da.