Ainara Babarro Velez (Zarautz, Gipuzkoa, 1990eko uztailak 18)

Haur Hezkuntzako irakaslea naiz. Hainbat urtez hezkuntzan lanean aritu ostean, hezkuntza arloko ikerketan murgildu nintzen. Egun, Donostiako Hezkuntza, Filosofia eta Antropologia fakultatean (EHU), “Didaktika eta eskola antolakuntza” departamentuan ikerketa arloko ikasketak burutzen nabil, “Elkarrikertuz” ikerketa taldearen baitan. Nire ikerketaren alor nagusiak Irakasle identitatea eta Zaintzaren pedagogia dira. Nire irakasle lana hezkuntza ikerketarekin uztartzen dut, bata bestearekin elikatuz eta elkar aberastuz.