Ekonomian Doktorea naiz (2014eko martxoan, Doktoretzeko Sari Berezia), masterra Analisi Ekonomikoan dut (2009ko iraila) eta Ekonomian Lizentziatua naiz (2008ko ekaina, Karrera amaierako Sari Berezia), dena Euskal Herriko Unibertsitatean (UPV/EHU).

2014ko martxotik 2017ko abendurarte, doktorego osteko ikerlari bezala lan egin dut BC3n (Basque Centre for Climate Change) nazio mailako zein nazioarteko hainbat proiektutan.

Gaur egun irakasle atxikitua naiz UPV/EHUko Ekonomia Aplikatua I Sailan eta ekonomia irakasten dut hainbat gradutan.

Gainera, ikerlari kolaboratzailea naiz BC3n, eta efizientzia energetikoa eta energia trantsitzioarekin erlazionatuta dauden europar proiektuetan parte hartzen ari naiz, nire ikuspuntua kontsumitzailearen portaera aztertzea delarik.

Nire ikerkuntza ekonomia aplikatuan zentratzen da, ingurumenean, energian eta osasunean, politikak gidatzeko helburuarekin klima aldaketaren testuinguru baten. Gizabanakoen portaera, ohiturak eta lehentasunak klima, ingurumena eta energia neurri eta politika desberdinen aurrean aztertzen ditut, politika hauen eragina ebaluatzea helburu delarik (kostuak eta irabazi sozialak estimatzen, alegia).