Libe Mimenza Castillo(e)k eguneratze bat bidali du
Pasa den astean, PLURILINGMEDIA sarearen baitan, Europako hizkuntza gutxituetako eduki sortzaileen errealitateez, aukerez eta erronkez hausnartu genuen Bartzelonan.
Bi egunetan, hamar hizkuntza-komunitatetako esperientziak partekatu genituen, tartean euskararena. Bereziki interesgarria izan zen beste testuinguru batzuetan zer tresna eta estrategia ari diren garatzen ezagutzea.
Katalunian eduki sortzaileak identifikatzeko, saretzeko, aitortzeko eta babesteko martxan dituzten esperientziak izan genituen abiapuntu: zehazki, Llista, Premis CRIT eta Casa de la Creació bezalako ekimenak ezagutu genituen gertutik, eta horrelako ereduetatik zer ikas dezakegun eta beste hizkuntza-komunitate batzuetara nola egokitu daitezkeen eztabaidatu genuen.
Ondoko ideiak laburbiltzen du tailerraren osteko ondorio nagusia: eduki sortzaileak ez dira eduki ekoizle hutsak; gaur egun, hizkuntzaren ikusgarritasuna, erabilera eta komunitatea eraikitzen duten eragile estrategikoak ere badira. Horregatik, garrantzitsua (izango) da sortzaileak ezagutzea eta aitortzea, baina baita haien arteko sareak, baliabideak eta sostengu-ekosistemak indartzea ere.
