Euskararen jatorria
Denon artean, zuek eta nik oso lan ederra egiten ahal dugu, hemen, Artizarrean, behingoz, euskararen jatorriari buruzko leloa, “Euskararen enigma”, deuseztatzeko.
Asmo horrekin zuengana etorri naiz. Ez naiz etorri esku hutsik; dagoeneko, jakin, badakizue ikerketa bat egin dudala eta euskal hizkuntza ikertzeko, plan eta metodo batzuen bitartez, bide berri bat aurkitu dudala.
Nire mezuak Artizarrean sartu baino lehen, banekien, edo nahiago baduzue “uste nuen”, inork ez zekiela nire ikerketari buruz ezer. Ez zitzaidan batere inporta izaten!
Ni, ikerketaren emaitzak balioespena egin ondoren, ahal dudan moduan, guztiei bide berria eta emaitzak jakinarazteaz behartuta sentitu naiz, erabat konbentzituta nagoelako guk, eta nahi duen edonor, euskararen jatorria azaltzeko gure esku daukagula.
Gure lanari hasiera emateko, hurrengo galdetzaileak: NORK, NOLA, NON, NOIZ, NONDIK-NORA, nahiko izanen direla edozein hizkuntzaren jatorria ziurtasun osoz azaltzeko.
Ni ziur nago nire ikerketaren bidez lehenengo bi galdetzaileei zuzen-zuzen erantzun ziurra eman diela:
NORK galdetzaileari: Gizakiak, gu bezalako pertsonak, preseski, hasieratik garatu dutela euskara gaurko mailara lortu arte.
NOLA galdetzaileari: Jada, bi gertaera bereziak erakutsi dizkizuet: lehena, garrantzitsuena, Hugo Schuchardt-en azalpenagatik jasotakoa; bigarrena, ZU eta bere adizkiak pluraletik singularrera eramateagatik gertatu zenaz ikusitakoa.
Nik uste, hasteko, bi galdera horiekin nahiko dugula, zeren, iritzi desberdinak izateagatik, nahi duenak berea azaltzea aukera emanen baitiogu.
Ez dut nahi mezu hau amaitu zuen aurrean AINARA MAYAri barkamena eskatzea eta eskerrak ematea egin gabe. Izan ere, berak bidalitako mezuei esker aukera izan dudala nire ikerketaren zati batzuk zuen aurrean ipintzeko.
Ainara Maya Urroz1 Iruzkina
Eskerrik asko ZURI zure ikerketaren berri emateagatik eta zure ondorioak gurekin partekatzeagatik.
Euskararen jatorria jakitea izan zen nire motibazioetako bat nik euskal filologia ikasten hasteko joan den mendean (1996an…), baina ideia horrekin aurrera jarraitzea zapuztu zidan euskararen historiaren irakasle doktore batek (izenik ez dut emango).Euskararen jatorria ikertzea gai interesgarria eta konplexua da, eta edozein ekarpen berri aztertzea merezi du. Hala ere, uste dut garrantzitsua dela bi gauza bereiztea: hipotesi bat proposatzea eta hipotesi hori froga zientifikoen bidez egiaztatzea.
*Nork* eta *nola* galderei erantzutea abiapuntu bat izan daiteke, baina euskararen jatorria azaltzeko ezinbestekoa da *noiz*, *non* eta *nondik* galderak ere argitzea, eta proposatutako azalpenak hizkuntzalaritzaren, historiaren eta beste diziplina batzuen datuekin alderatzea.
Beraz, interesgarria litzateke zure ikerketaren metodoa, erabilitako datuak eta ateratako ondorioak zehatz-mehatz ezagutzea, beste ikertzaile batzuek ere aztertu eta ebaluatu ahal izan ditzaten.
Eztabaida zientifikoak ez du nahikoa konbentzimendu pertsonala; argudio sendoak eta egiaztagarriak behar ditu. Horixe da, nire ustez, aurrera egiteko biderik onena.Eskerrik asko denagatik, Juanmi… besarkada potolo bat!
