Irakasle-ikertzaile gisa egiten dut lan Mondragon Unibertsitateko Diseinu Berrikuntza Zentroan.

Gaur egun, doktorego-tesia 3D modelaketa parametrikoaren inguruan egiten dut, solido eta gainazaletan. Modelatze-estrategia berrien bidez 3Dko pieza ereduen berrerabilgarritasuna handitzea da nire alorra. Azken helburua produktuak diseinatzeko eta garatzeko denbora osoa optimizatzea da, gure industria-ingurunearen lehiakortasuna handitzen lagunduko duten modelatze-estrategia berrien bidez.

Irakaskuntzaz, doktorego-tesiaz eta 3D modelatuaz gain, 3D inprimaketari buruzko ezagutza transferitzeko proiektuetan parte hartu izan dut. Prototipo funtzionalak edo akabera errealistadunak sortzen ditugu, batez ere, ontzien eta packagingaren esparruan lan egiten dugu.

Honaino iritsi bazara, historia eta diseinu grafikoaren zale amorratua naizela aitortzen dizuet. Horregatik, izugarri gustatzen zait infografiak sortzea eta grafikoki informazio asko sintetizatzea.