Kaixo. Ainhoa Oliden Sanchez naiz, Euskal Herriko Unibertsitateko doktoregaia, Zientzia eta Teknologia Fakultatean. Gaur gaurkoz, Espektroskopia Molekular taldean tesia egiten ari naiz. Gure laborategian, argiarekiko erantzuna izan dezaketen material berriak diseinatzen ditugu, hain zuzen ere, aplikazio biomedikoetarako aproposak izan daitezkeenak. Oro har, konposatu fluoreszenteekin egiten dugu lan eta materia eta erradiazio elektromagnetikoaren arteko elkarrekintza aztertzen dugu. Adibide bat jartzeko, markatzaile biologikoak diseinatzen ditugu eta horiek oso garrantzitsuak dira minbizia detektatu daitekeelako igortzen duten argiaren esker.
Nire ikasketei dagokienez, Kimikan graduatua naiz, zehazki 2016an amaitu nuen gradua eta 2017an, berriz, Material Berrien Masterra egin nuen. Bestalde, zenbaitetan ere unibertsitateko irakasle aritzen naiz eta unibertsitatetik at hainbat eskola eman ditut, besteak beste, programazio edota zientzia dibulgazio eskolak. Hizkuntzetan, euskara dut ama hizkuntza eta ingeleseko Proficiency titulua daukat.