Soziologia eta Politika Zientzietan lizentziatu nintzen 1994. urtean Deustuko Unibertsitatean. Giza Baliabideen Kudeaketa eta Garapenerako Master Aurreratua egin nuen EHUn 1996/97 ikasturtean. 2013/14 ikasturtean Komunikazioa Erakundeetan Aditu Titulua gauzatu nuen Mondragon Unibertsitatean.

Nire lan ibilbidea EHNE sindikatuan hasi nuen. Durangoko Berbaro Euskara Elkartean eta Anboto herri aldizkarian lanean ibili ondoren, Udako Euskal Unibertsitatean Inguma datu-baseko dokumentalista izan naiz. Gaur egun, zientziaren dibulgazioan dihardut Euskampus Fundazioaren Kultura Zientifikoko eta Berrikuntza Unitatean, zabalkunde zientifikorako arduradun gisa.

Horren baitan, besteak beste, EHUko Kultura Zientifikoko Katedrak zientzia gizarteratzeko gauzatzen dituen ekitaldi, egitasmo eta argitalpen digitalen hedapena koordinatzen dut.