Txelo Ruiz Vázquez (Irun, Gipuzkoa, 1959). Industria Ingeniaritzan doktorea da. Euskal Herriko Unibertsitateko (UPV/EHU) irakaslea da, Informatika Fakultatean, Konputagailuen Arkitektura eta Teknologia Sailean. Informatika Fakultateko Euskarako dekanordea izan da, baita bere saileko zuzendaria eta idazkari akademikoa ere. Irakaslana Ebaluatzeko Unibertsitateko Batzordeko kidea ere izan da. Egun, UPV/EHUko Ikasleen eta Enplegagarritasunaren arloko errektoreordea da. Horrez gainera, enpresetan eta erakundeetan euskararen erabilera eta kalitatea egiaztatzeko Bikain Euskararen Kalitate Ziurtagiria programako ebaluatzailea da. Eusko Jaurlaritzak talde egonkortutzat aitortuta duen RSAIT, Robotika eta Sistema Autonomoen ikerketa taldeko kidea da. ERAGIN: Proiektuetan Oinarritutako Ikaskuntza programako tutorea izan da.