Rakel Gamito Gomez Euskal Herriko Unibertsitateko (UPV/EHU) Didaktika eta Eskola Antolakuntza saileko irakaslea da. Informazioaren eta Komunikazioaren Teknologiak ikasgaia ematen du Hezkuntza eta Kirol Fakultatean, eta IKTak eta Konpetentzia Digitalak Hezkuntzan, Etengabeko Formakuntzan eta Hizkuntzen Irakaskuntzan online graduondokoan parte hartzen du. Practicum eta GrAL batzordeko kidea eta Eskolako Aniztasuna Diziplina arteko Moduluaren koordinatzailea. UEUkidea eta UEUko Pedagogia sailburu.

IkHezi (IT 1304-19) Eusko Jaurlaritzako talde kontsolidatuko ikertzailea. Hezkuntza-teknologia, gaitasun digitala, irakasleen prestakuntza, ikaskuntza-zerbitzua eta genero ikuspegia ditu lan-ildo nagusi.

Bere doktore-tesiak adingabeen Interneten erabilera-ohiturak eta online bizi dituzten egoera gatazkatsuak ezagutu nahi izan ditu, eta, horrela, Lehen Hezkuntzako geletan Interneten erabilera arduratsua lantzeko prestakuntza-ekintza bat eskaini.