• Iñigo Beitia Zabala(e)k eguneratze bat bidali du

      duela 27 minutu

      “Euskararen normalizazio prozesuaren azterketa: Lautadako Kuadrillako kasua” tesia egiten emandako 5 urteak eta ikasitakoa laburtuko dut. #txiotesia8

      • Lehen egitekoa: prozesua ulertzeko eredu teorikoa lantzea. Ertaroko fraile baten gisara giltzapetu nintzen artikuluak eta lanak irakurtzen. Ora et labora. #txiotesia8

        • Motxila bizkarrean hartu eta harantz abiatu nintzen: Agurain, Zalduondo… Hizkuntza-antropologiaren begiradatik eta etnografia baliatuz, hiztunen bizimodua bertatik bertara ezagutu nuen, euskararekin duten harremana ulertzeko. #txiotesia8

          • Aguraingo musika bandan sartu nintzen bonbardinoa jotzen. Baina gainera, erreparatu nion punk, pop eta folk taldeak ulertzeko moduari. Kultura musikal handiko eskualdea da eta elementu honek lagundu egin du euskararen normalizazioan. #txiotesia8

            • Belaunaldi arteko arrakala bat behatu nuen, hizkuntza-kulturari dagokionez. Gazteek euskara eredu formaletik ulertzen dute; eta helduek, aldiz, erabileratik eta kontrakulturatik #txiotesia8

              • Ikusi nuen Arabako kuadrillarteko bertsolari txapelketak inauteriaren elementu batzuk bere egiten dituela (trufa, mozorroak, jolasa, arauen apurtzea…). Eta euskalduntasuna ulertzeko forma anitzak ikusi daitezkeela bere baitan. #txiotesia8

                • Umeen eta gurasoen artean, musika taldeen letretan eta Zalduondoko inauterian, besteak beste, presente dago euskara. 60 urteko normalizazio prozesuaren ostean, gune formaletatik harago, eguneroko bizitzan txertatu dute Arabako Lautadako herritarrek. #txiotesia8

                  • Eskerrik asko, Iñigo, parte hartzeagatik!