Aurreabisua: Artizarrako komunitate maitea, hemen doa Zuzenbide Sailetik antolatutako ikastaroaren spama.

Zuetako batzuk dagoeneko badakizuen bezala, UEUko Zuzenbide Saila eraberritzen saiatzen ari gara sailburu-talde berritik. Horrela, udako nagiak kenduta, gogo betez heldu diogu gure lehenengo jardunaldiaren antolaketa-lanei. Ez gaude alperkerietarako, gero eta gutxiago falta baita urriaren 2an Eibarren antolatuko dugun “Zuzenbidea euskaraz irakatsi eta ikertu: egungo bizipen eta erronkak” ikastarorako.

Jardunaldian zehar, zuzenbidea euskaraz irakastean eta ikertzean bizi ditugun erronka zein bizipenak partekatzearekin batera, etorkizuneko pausoak imajinatzea da helburua. Horrez gain, zuzenbidea euskaraz pentsatzen dugunon komunitatea biltzeko abagune aparta dela deritzogu, Euskal Herriko txoko eta unibertsitate desberdinetako jendea elkartzeko aukera izango baitugu. Horregatik, zuzenbidearekin harremana duzuen ikasle, ikertzaile, abokatu zein langile publiko guztiok deitzen zaituztegu gure jardunaldira. Zer toki hobe denok biltzeko UEUko ikastaro bat baino?

Ez galdu izena emateko denbora. Zehaztapen guztiak eta programa osoa UEUko webgunean daude, eta bertan dago izena emateko aukera ere. Egun guztiko programazioaz gain, ikastaroaren erdian antolatuko dugun bazkarian ere parte hartzea nahiko genuke, elkar hobeto ezagut dezagun. Programazio guztia eta matrikula hemen: https://www.ueu.eus/jarduera-akademikoa/2365-zuzenbidea-euskaraz-irakatsi-eta-ikertu-egungo-bizipen-eta-erronkak

Galdetu lasai edozein zalantza izanez gero!

ueu.eus

Zuzenbidea euskaraz irakatsi eta ikertu: egungo bizipen eta erronkak.

Zuzenbidea euskaraz irakatsi eta ikertu: egungo bizipen eta erronkak.