• Paula Etayo Urtasun(e)k eguneratze bat bidali du

      duela 2 ordu (editatua)

      1. Ospitalean geldirik egoteak gorputzaren funtzionamenduan duen eragina: ariketa fisikoaren bidez suspertzea eta narriadura saihestea.

      Imajina dezakezu ospitaleratuta egotea ospitale batean egon gabe?🤔

      #txiotesia8

      • Paula Etayo Urtasun (editatua)

        2. Ospitaleratzea ohe bati, korridore zuri bati eta etxetik urrun egoteari lotzen diogu. Baina ospitaleko arreta zure etxeko egongelara ere irits daiteke.

        Ez da zientzia-fikzioa: etxeko ospitalizazioa da.🙌

        #txiotesia8

        1
        • Paula Etayo Urtasun (editatua)

          3. Eredu horri esker, pazienteek ospitale-mailako arreta jasotzen dute etxean. Baina axola al du non jasotzen dugun arreta?

          Ospitaleratzeak ez dio gaixotasunari bakarrik eragiten: gure egunerokoari ere bai.

          #txiotesia8

          1
          • Paula Etayo Urtasun (editatua)

            4. Adinekoentzat, egun batzuk geldirik egoteak arrastoa utz dezake: indarra eta mugikortasuna galtzea, ohiturak etetea eta autonomia zein funtzio kognitiboa kaltetzea.

            Ibiltzea, aulkitik altxatzea edo eguneroko zereginak egitea ez dira kontu hutsak: independentziaren oinarriak dira.💪

            #txiotesia8

            1
            • @etayo-urtasun Eskerrik asko, Paula, parte hartzeagatik!

              • Paula Etayo Urtasun (editatua)

                5. H-REACT proiektuan, ospitalizazio-lekuak adinekoen funtzio fisiko eta kognitiboan duen eragina aztertzen dugu. Horretarako, ospitalizazioaren aurretik eta ondoren haien egoera baloratu eta aldaketak behatzen ditugu.

                Gure hipotesia? Etxeko ospitalizazioak, mugimendua eta ohiturak mantentzea erraztuz, narriadura fisiko eta kognitiboa arintzen lagun dezakeela.

                Hurrengoan ospitalizazio batean pentsatzean, agian egongela bat, egunerokoari eustea eta oraindik erantzunik ez duen galdera zientifiko bat ere irudikatuko dituzu.💭

                #txiotesia8