Xehetasunak

Nire ikerketaren ardatza klima-aldaketara egokitzea da, eta klima-arriskuen kudeaketarako politika publikoak eta gobernantza-mekanismoak aztertzen ditut diziplina arteko ikuspegi batetik. Ikerketa-jardueraren barruan, IPCCko II. Lantaldeko Afrikako kapituluan egile laguntzaile gisa parte hartu dut, eta Europako hainbat ikerketa-proiektutan aritu naiz, besteak beste ACCREU proiektuan (Assessing Climate Change Risk in Europe). Halaber, Espainiako Klima Aldaketaren Arriskuen Ebaluazioaren (ERICC) txostenean parte hartu dut.

Gaur egun, Euskal Herriko Unibertsitateko (EHU) Ekonomia Aplikatua Saileko irakaslea eta Basque Centre for Climate Change (BC3) zentroko ikertzaile elkartua naiz.