Oinarria

Izena

Elisa Sainz de Murieta

Niri buruz

Doktorego osteko ikerlaria naiz BC3-n eta Grantham Research Institute-ean (London School of Economics). Klima-aldaketaren egokitzapen politikak ikertzen ditut, baita klima arriskuak eta hauen eraginak, bereziki kostaldean eta hirietan.

Berez Geologian lizentziaduna naiz, eta Euskal Herriko Unibertsitatean lortu nuen nire titulua. Ondoren, Madrilera joan nintzen, Ingurumen Kudeaketa eta Ingenieritza Masterra egitera EOI Enpresa Eskolan. Hau amaitutakoan, MUko kooperatiba batean aritu nintzen hiru urtez, kalitaterako kudeaketa lanetan eta 2005ean Eusko Jaurlaritzako Ingurumen Sailean hasi nintzen lanean, Biodibertsitate Zuzendari bezala. Eusko Jaurlaritzan lau urte eman ondoren, doktoregoa egiteko sarbidea eman zidan masterra egitea erabaki nuen, EHUn Kuaternario ikasketak jorratzen dituena, hain zuzen.

Bigarren master hau amaitu ostean, BC3-n hasi nintzen lanean doktoradutza egiteko asmoz. Tesia 2016ko urtarrilean defendatu nuen, bertan itsas-mailaren aldaketek euskal kostaldean sor ditzaketen ingurumen kalteak eta kostu ekonomikoak aztertuz.

Gaur egun, Eusko Jaurlaritzaren Hezkuntza Saileko beka batekin Londoneko Grantham Research Institute-ean ari naiz lanean.

Filiazioak

Nagusia

BERC - BC3

Menua