Egun on, guztiei
Nahi gabeko atseden bat hartu ondoren HIZKUNTZALARITA taldean sartzea erabaki nuen.
Banuen zergatik bat: hizkuntzalariei, zuei, hain zuzen, erratea euskararen jatorria argitu nahi baldin baduzue bide berri bat daukazuela.
Labur-labur erraten: hartu esaldiak, gaur egun erabiltzen direnak, ikergai bezala eta, ahal bada, kronologikoki sailkatu esaldi motak guztiak.
Hasi bezain pronto, konturatuko zarete aztarnategi batean sartu zaretela; beraz, badakizue zer metodoa erabili beharko duzue: arkeologian erabiltzen den metodoa.
Esaldi motak kronologikoki sailkatu eta gero, gauza batzuk oso garbi geratuko zaizkizue:
1) Euskal hizkuntza guk bezalako gizon-emakumeek asmatu dutela hasieratik gaurko euskara maila lortu arte.
2) Nola aritu ziren hizkuntza-egileak bere komunikazio sistema hobetzen argi eta garbi geratuko zaizue.
3) Historian zehar hizkuntza mailak argitzeko sekulako metodoa daukazula igarriko duzue.
4) Maila apalean, aginte esaldiek aditzoin-etara eramanen zaizuete.
5) Zati galderak aztertzen galdera xumeena, laburrena iritsiko zarete: <Zer da?>
6) Adierazpen esaldiak, adizki forma zaharrenera helduko zarete: <da>
7) Ah! Eta aztarnen artean bat baino ez ddizuet azpimarratuko: pertsona izenordainak (lehenengo eta bigarren pertsonakoak) berandu sartu zituztela euskal hizkuntzan.
Izan ere, aztarna hori oso garrantzitsua da euskararen jatorria giza historian kokatu nahi baldin baduzue.
Oraingoz nahikoa da!
EUSKAL HIZKUNTZA AZTERTZEKO BIDE BERRI BAT ZUEN ESKU DAUKAZUELA!
Ainara Maya Urroz1 Iruzkina
Egun on,
Eskerrik asko zure gogoetak eta proposamena gurekin partekatzeagatik.
Interesgarria da euskararen bilakaera gaur egun erabiltzen ditugun esaldietatik abiatuta aztertzea, eta hizkuntza-egituren garapena ikertzeko proposatzen duzun ikuspegia kontuan hartzekoa da.
Ikerketaren hurrengo urrats gisa, proposamena modu sistematikoan lantzea izan liteke egokiena: lehenik, esaldi moten sailkapen bat osatzea; ondoren, euskararen testu historikoetan eta dokumentatutako aldaeretan mota horien lehen agerraldiak bilatzea; eta, azkenik, gaur egungo egiturekin alderatzea, bilakaerari buruzko hipotesiak ebidentzien bidez aztertzeko.
Horretarako, komenigarria litzateke esaldi bakoitzaren egitura morfosintaktikoa zehaztea, iturriak eta datak jasotzea, eta beste hizkuntzen edo euskararen aldaeren datuak ere kontuan hartzea. Horrela, bereizi ahal izanen genituzke dokumentatutako gertakariak eta oraindik egiaztatu beharreko hipotesiak. Bereziki, pertsona-izenordainen agerpenari eta *da* adizkiaren antzinatasunari buruzko proposamenak datu historikoekin egiaztatzea garrantzitsua litzateke.
Eskerrik asko zure ekarpenagatik eta euskararen jatorria eta bilakaera argitzeko egin duzun proposamenagatik.
Ongi izan eta laster arte!
Ainara
