Biologian doktorea naiz. Nire ikertzaile ikasketa eta lanak direla eta hainbat unibertsitatetan egon naiz: Austriako Leopold Franz Unibertsitatean, Irlandako Galway Unibertsitatean, Norbegiako Throndheim Unibertsitatean, Galeseko Cardiff Unibertsitatean, Salamancako Unibertsitatean eta Euskal Herriko Unibertsitatean. Eta beti saiatu egin naiz nire lankide eta ikaskideentzako ilustrazio zientifikoak egiten, hauek beti marrazten jarraitzeko adorea eman didate.

Nire ilustrazio-heziketari dagokionez, gaztetan hasi nintzen marrazketan nire herriko artista den Jaime Vicariorekin Durangon. Gero trebatu egin naiz Carles Puche, María Viñas eta Patrick McDonnell ilustrazio zientifikoan, Fernando Baptistarekin infografian eta Alberto Cairorekin datuen bisualizazioan. Gainera diseinu grafikoko ikastaroak egin ditut.

Ikerketari 7 urte dedikatu nion eta konturatu nintzen askotan oso zaila dela ilustrazio zientifikoak, figura gakoak, “abstract” grafikoak, dokumentuen maketazioak, datu grafikoen diseinuak, aurkezpen diapositibak eta posterrak ondo egitea lan zientifikoa komunikatzeko. Hau dela eta, gaur egun artea eta zientzia batzen ditut, zuri eskeintzeko bisualagoa den zientzia bat non edukiak erakargarriagoak eta ulerkorragoak diren.

2016. urtean ilustrazio zientifikoan hainbat urte lan egin ondoren eta ikusita zenbat zailtasun dauden arlo honetan ilustratzaile bezala trebatzeko; Euskal Herriko Unibertsitateko Zientzia eta Teknologia Fakultateari proposatu nion formakuntza hau sortzea. Hainbat hilabetetako lana eta gero, Euskal Herriko Unibertsitateak Estatuko lehengo formakuntza akademikoa eskaintzen du Ilustrazio Zientifikoan. Unibertsitateak berezko titulazio berri bat sortu du, Unibertsitate espezialista moduan. Oso harro nago Euskal Herrian Ilustrazio Zientifikoarentzako eman den pausu garrantzitsu honetaz.