Donostian jaioa eta hezia, Arrasaten ikasia, eta Usurbilen bizia, MUko Industria Sistemetarako Sistema Adimendunak ikerketa taldeko koordinatzailea naiz ni. Mondragon Unibertsitatean Sistemen Informatikan Ingeniaritza Teknikoa, eta Informatikan goi-mailako Ingeniaritza ikasi nituen Doktoretza aurretik. Doktoretza (2003-2008) Zürich IBM Research Lab-en zibersegurtasun-taldearekin egin nuen MUn ikasle nintzela. Ordutik, finantzaketa publikoa duten 50 ikerketa-proiektutan baino gehiagotan parte hartu dut, 45 argitalpen baino gehiagoren egilea naiz hitzaldi eta aldizkari akademikoetan, eta nazioarteko konferentzietako 20 batzorde zientifiko baino gehiagoren kide ere banaiz. Nire ikerketa eta Unibertsitateko irakaskuntza segurtasun informatikoan oinarritzen da, bai sistema eta bai sare mailan, eta malwareak sistemetan duen eragina ikertzea dut gustoko. Baita ere, datuen analisiak duen onurak esploratzea da beste alderdietako bat, bai segurtasunean, bainan baita beste edozein aplikaziora begira ere (batipat enpresa eta ekoizpen mailan). Enpresekin kontaktua edukitzea eta ikertutakoa transferitzea funtsezkotzat jotzen dut gure lanean.