Xehetasunak

Donostian jaio zen 1993an, eta 2015ean Biologian graduatu zen Euskal Herriko Unibertsitatean (EHU). Graduan praktikak egiten zituen Gipuzkoako Osasun Publikoko Laborategian. Urtebete egin zuen Genevako Unibertsitatean (UNIGE) eta lauhileko bat Bartzelonako Unibertsitate Autonomoan (UAB). Gradu amaierako lana Genomic Resources taldean egin zuen, Genetika, Antropologia Fisikoa eta Animalien Fisiologia Sailean (“Amplicon metagenomics for elucidating microbial community changes associated with conventional and organic farming of Beta vulgaris and Solanum lycopersicum“). 2018an Bioinformatika eta Modelizazio Masterra egin zuen Université Libre de Bruxelles-en (ULB). Masterrean, Data Mining and Modeling for Biomedicine (DaMBi) taldean praktikak egin zituen, VIB-Ugent Center of Inflammation Research (IRC) zentroan. Master amaierako lana Interuniversity Institute of Bioinformatics in Brussels (IB2) taldean egin zuen (izenburua: “Analyzing protein sector dynamics in Trypsin and Hsp70”). Doktoretza Biogipuzkoa Osasun Ikerketa Institutuko Ehun-ingeniaritza taldean egin zuen, Ander Izetarekin (izenburua: “Exploring the transcriptional hallmarks of aging using single-cell RNA sequencing”). Gaur egun, Koloniako Institute for Genome Stability in Aging and Disease (IGSAD) ikerketa zentroan egiten du lan, Björn Schumacher-en taldean.