Xehetasunak

Arkitektoa eta PROJEKTA URBES arkitektura eta hirigintza bulegoko zuzendarikidea, Patxi Galarraga Aiestaranekin batera. Gure jardun profesionala hiri eta auzo osasungarriagoak, bidezkoagoak eta ekitatiboagoak sustatzera bideratuta dago. Ingurune urbanizatu eta eraikiek pertsonen eguneroko bizitzan eta ongizate fisiko, mental zein sozialean duten eragina hartzen dugu oinarri gure diagnostiko eta proiektuak garatzeko.

Horretarako, hirigintza inklusiboa jorratzen dugu arkitektura eta feminismoa uztartuz, eta espazio publikoaren eraldaketa dugu helburu —generoa, zahartze aktiboa, haurtzaro autonomoa, aniztasun funtzionala eta ahalmen ekonomikoa bezalako ikuspegiak txertatuz—, inguruneak zaintza-lanei, gizarte-harremanei, mugikortasun jasangarriari eta jolasari egokitzeko.