Inaki Irazabalbeitia Fernandez. (Donostia, 1957ko abuztuaren 1a) ·Ezkerraberri fundazioko zuzendaria da. Halaber, Tolosako udalean zinegotzia eta Coppieters europar fundazioaren patronatuko kidea da. Kimika zientziatan doktorea da. EHUko irakaslea, UEUko zuzendaria, Elhuyarreko kudeatzailea eta europarlamentaria izan da. Euskal Herrian zientziaren dibulgazioan aitzindarietako bat izateaz gain, literatura lanak ere publikatu ditu. Euskaltzain urgazlea da eta Aliantza Liber Europarreko ohorezko kide.