20 urte daramat diseinatzaile modura lanean, baina txikitatik izan dut komunikazio grafikoarekiko grina. Behar bat, gabezia bat asebetetzeko soluzioa bilatuz garatzen dugu gure lana, ahots eta izaera propioa izango duen euskarri grafikoa sortuz. 

Ikasteko gogoa eta irakasteko gogoa loturik doaz, nire ustez. Ikasitakoa partekatzeko nahia izaten dut: profesionalki interesatzen zaizkidanak besteengana zabalduz, klaseak emanez, lankideekin esperientziak, zalantzak eta proiektuak konpartituz…Erronkak gustoko ditut: eroso sentitzen naizen esparrutik haratago irteteak ere elikatzen nau.

2015.ean Artefakto sortu nuen, lankide batekin batera. Komunikazio grafikoa da gure izateko arrazoia, zerbitzu integral eta profesionala eskainiz, edozein beharrizan komunikatibo duen norbanako eta enpresarentzat.

Eta horretan darraigu.