Xehetasunak

Zientziaren filosofiako Irakasle Osoa da EHUko Filosofia Sailean, eta IAS-Research Centre for Life, Mind and Society ikerketa-taldeko kidea, hasieratik da Joxe Azurmendi Katedrako kidea, euskal pentsamenduaren tradizioa eta etorkizuna lantzen dituen EHUko erakundea, eta Forgotten Female Bodies unibertsitatearteko egitasmoko kide, non sexu-genero ikuspegia garatzen da zientziaren filosofian. Bere ikerketa-ildo nagusiak honako hauek dira: biologiaren filosofia (antolakuntzaren ikuspegi erlazional organismikoa eta evo-devo), medikuntzaren filosofia (osasunaren eta gaixotasunaren ikuspegiak), ingurumenaren kontzeptualizazioak eta eboluzio antropogenikoa, eta sexuaren eta generoaren eboluzioa (hala nola haurdunaldia eta hilekoa). Bere euskarazko azken argitalpenen artean honako hauek daude: “Gizaberearen bizitza partekatuak” (2025), 56ko Belaunaldiaren Lorratza Euskal Pentsamenduan liburuan (X. Eizagirre eta I. Zabaleta ed., Jakin, 33–45 or.); “Kooperazioaren ontologia erlazionala” (2025), Jakin aldizkarian (269–270 zk., 76–77 or.); “Sexua eta generoa medikuntzan: Emakume ikusezinak ez, baina estereotipoak ere ez” (2025), Elhuyar: zientzia eta teknika aldizkarian (359 zk.); eta “Gizaberea, Eboluzioa, eta kooperazioa” (J. I. Pérez Iglesiasekin batera, 2021), Pentsamendu bat gure munduari – Joxe Azurmendi Kongresua liburuan (X. Eizagirre Gezalaga eta I. Zabaleta Gorrotxategi ed.).

Ingelesez eta gaztelaniaz egindako argitalpenak ezagutzeko, ikus ondoko webgunea: https://www.ias-research.net/people/arantza_etxeberria/, baita nire Google Scholar, ResearchGate eta PhilPapers profilak ere.