Kaixo! Onintze naiz, Ingeniaritza Kimikoko doktoratu aurreko ikertzailea, Euskal Herriko Unibertsitateko PROCAT-VARES taldean. Taldea Prozesu Katalitikoetan eta Hondakinen Balorizazioan espezializatuta dago. Doktorego-tesiaren garapenean, CO2-a balio erantsi handiagoko konposatuak lortzeko balorizatzea lantzen dut. Euskal Herriko Mugarik Gabeko Ingeniaritza elkartean ere boluntario gisa parte hartzen dut. Elkarte horretan, gainera, zuzendaritza batzordeko kide naiz idazkari gisa.