Xehetasunak

Nafarroako Unibertsitate Publikoko ikerlari eta irakaslea.

Biologian lizentziatua (2008), Ingurumen Agrobiologian masterra (2010) eta Bigarren Hezkuntzako Irakasletzan masterra  (2017) burutu ditu. Naziarteko doktoretza titulua (2016) eskuratu zuen Nafarroako Unibertsitate Publikoan.

Bere ikerketa-jarduerak herbiziden ekintza-mekanismoak eta belar txar erresistenteen fisiologia aztertzen ditu. Aztergai diren espezieen artean, Nafarroan berriki aurkitu den Amaranthus palmeri espezie inbaditzailea eta laborantzan problematikoak diren beste belar txar batzuk daude, hala nola Lolium rigidum.

Hainbat dibulgazio zientifikoko ekimenetan parte hartu du, adin guztietako ikasle zein helduei zuzenduta.