Xehetasunak

1982an jaio nintzen Beasainen ikastola andereño eta sindikalista baten etxean. Beti izan nuen garbi nirea istorioak kontatzea zela, baina nerabezaroko behe-lainoak gidatuta Soziologian lizentziatzen amaitu nuen Leioako Campusean. Eta eskerrak, horrek eman baizidan nire ametsei heltzeko behar nuen indar eta lasaitasuna. Ikusentzunezko Komunikazioa ikasi nuen gero MUn, eta handik, lan merkatura egin nuen jauzi. Telesail proiektuak garatzen aritu izan naiz gidoilari moduan Moriarti, Orio edo Irusoin bezalako ekoiztetxeekin, baina 2020ra arte ez nuen izan grabatzera iritsiko zen telesail bat idazteko aukera, Altsasu (Baleuko & ETB). 2021ean Augustin Zubikarai Literatura Beka jaso eta Euskalia nobela idatzi nuen (Elkar, 2022). 2025an, aldiz, beste telesail bat idazteko aukera izan nuen, Odol ilargia (Baleuko & ETB). Bitartean, Bira Produkzioak Kooperatibako bazkidea ere banaiz, eta bertan nabil gidoilari eta edizio lanetan berezki.