Xehetasunak

Lekeitioko eta Eskoriatzako uretatik nator. Ikasketak informatika eta Gizarte Hezkuntza munduan egiteaz gain, herrigintzatik ere asko ikasi eta hazitakoa; gazte mugimendua, euskalgintza, ekologismoa, feminismoa eta sexu-askapen mugimendua izan dira niretzat ikaspen iturri emankorrak. Ikaspen horietatik, gaur egungo jendarte ereduan ematen diren zapalkuntzak iraultzeko teoria eta praktikak garatu eta hedatzeko beharra sortu zitzaidan.

Gatazka eta prozesu pertsonal, erlazional eta kolektiboen fazilitatzailea, eta formatzailea. Harremanen botere dinamiketan kontzientzia nola jarri eta elkar-ulertzen ez garen momentuetan nola elkar-zaintzearen apasionatua.

IIFACe-n Talde Prozesuen Bidelaguntzan edo Fazilitazioan formatu naiz eta bertan ikasi dut jakituria kolektiboan daudela eraldaketarako gakoak eta eraldaketa kolektibotik etorriko dela. Momentu honetan “Prozesu Lana” (Process Work) diploma ikasten eta fase praktiko/aurreratuan sartua Bartzelonako Intituto Trabajo de Procesos-en.

Hiruki Larroxa eta Denbora Espazioa proiektuen sortzaileetariko bat eta gaur egun Denbora Espazioan zentratua.