Irakaslea naiz EHUko Hezkuntza, Filosofia eta Antropologia Fakultatean.
Diagnosia hezkuntzan, Familia-Orientazioa eta Hezkuntza-orientazioa: Eskola, Familia eta Komunitatea irakasten ditut, azken hau Derrigorrezko Bigarren Hezkuntzako Masterrean. Nire ikerketa lerroak bi dira: idazketa eta bere zailtasunak eta familientzako baliabideen sorkuntza, eskolarekin eta komunitatearekin harremanean.
1996. urtetik hona idatzi ditudan liburu, artikulu eta dibulgazio-lan gehienak idazketaren analisian, irakaskuntzan eta idazkeraren zailtasunen ebaluazioan/esku hartzean zentratu dira. Makina bat ikastaro eta hitzaldi eman ditut Udako Euskal Unibertsitatean, ‘Hik Hasi’n, Berritzeguneetan, EHUko uda ikastaroetan, ‘Prest gara'n, eskoletan (bere maila guztiak bilduta) eta elkarteetan, denak idazketaren inguruan.
Onlineko ikastaro bat jarri nuen martxan Telefónicaren ‘Miriada’ plataforman, EHUren babesean eta badira zenbait edizio (ikusi hemen: https://labur.eus/0KHpV), idazketaren ebaluazioaren eta esku hartzearen inguruan.
Familia-Orientazioa, OCW bidezko ikastaroa ere prestatu izan dut (ikusi hemen: https://ocw.ehu.eus/course/view.php?id=510&lang=eu
https://ehutb.ehu.es/video/5ce7dfbdf82b2b32458b4777). Gaur egun, idazteko teknologia berriek eskaintzen dituzten aukerak ikertzen nabil.
Azken curriculuma: https://labur.eus/XxDem