Eztabaida sortu du AAz sorturiko Brad Pitt eta Tom Cuiseren arteko borrokaren bideoak. Zinema edo aktoreen etorkizunaz kezkatu dira batzuk, sorkuntzaren etorkizunaz besteak. Hala ere, iruditzen zait, badela beste kontu bat. Bideoaren egileak azaldu duenez, Seedance 2.0 AAk azalpen labur bat besterik ez zuen behar izan bideoa sortzeko. Hau da, ez zuen orain arte moduan, lan tresna berri hauen ezagutza edo erabiltzaile esperientziarik behar izan.

Gauzak horrela, sorkuntza, zinema edo aktoreen etorkizuna bakarrik ez, tresna berri hauen erabilpenean aurrea hartu eta azken bi urteetan haietaz bizi izan diren, eta tresna hauen defendatzaile sutsuak direnen etorkizuna ere arriskuan jartzen du.

Nork defendatuko du hemendik aurrera AAren erabilpena sorkuntzaren alorrean? Bai, sortzaileetan dirua aurreztu nahi dutenek.